| kinnie's profile。子宮。PhotosBlogNetwork |  Tools  Help |
|
December 29 麻雀。近來打2次牌都贏...
賭場得意,,是不是意味著情場失意呢...
好彩都輸左兩張6合彩...唉..
近來有點事...煩...
真係好深奧.....小kin就快又生日了..
大個女...有好多事..確係要比自己一個好好交代..
唔想不明不白不清不楚...
所以好煩。真的。 December 25 merry christmas這個ｃｈｒｉｓｔｍａｓ對我來說好特別。
因為認識了好多新朋友，深閏的小kin又重出江湖，同好多好朋友一齊。
詩雅ｖｉｔｏ琪琪ｎａｎａ，前日仲有ｂｅｌｌｅ仔的局，真的好開心啊。
一早已經收了聖誕禮物了～仲係自己揀的，所以今個聖誕都冇咩驚喜～但係好好多，好過上年為左份禮物要喊住過。
第一次去ｆａｓｈｉｏｎ ｃｌｕｂ，跳到身水身汗，好熱，點解我要著冷衫-_-"。遇到ｋｕｂｙ同佢的雞雞，仲有好多索女～索啊～～
平時都係去唱ｋ今次終於會出黎跳舞好似番番英國果時的感覺囉～好正啊～
不過當中都發生左點事就圍內先知啦～呵呵，我鐘意您地，鐘意詩雅鐘意ｎａｎａ！！
呢幾日真係過得好精彩（當然包括飲到七彩），因為浦又冇假放之後又番工又冇事ｗｏｒ！係胃口差ｄ不過感覺好好～
好年輕啊感覺～～呵呵～
我仲電左頭髮同埋整左樹脂甲，靚靚。不過呢d都唔係我送比自己的禮物，
今日我仲整壞左自己部電話，所以明天又要去買一份禮物比自己＞＜，唉，真係"開心”boxing day自己拆～
真係ｍｅｒｒｙ ｃｈｒｉｓｔｍａｓ了～唉。 November 29 依賴當您習慣有一個人在身邊，其實感覺不錯，生活完完全全是一個依賴一樣，以為自己正在依賴著一個人生活；
但是往往，當您再一次忽然只剩下獨個兒的時候，以為依賴的感覺就一下子被推翻；
代表其實沒有誰在依賴誰，甚至您會想，
從此再不需要任何人了。
又或者是，每個人都可以好依賴，亦都可以好獨立。這就是人生，故事永遠只歸於一個人而生。 November 21 oasak final day~outlet & bk to macau今日係last day了，終於起到身去食早餐，之後等我地酒店附近的百貨開門～去阪急百貨看看有冇ｐｏｒｔｅｒ比亞老買埋佢～～
之前我就去夾公仔夾到２個！！我覺得自己好叻女囉～
終於開門之後就衝入去～一開門即刻勁多人入去囉～之後一上去終於搵到～～原來遠在天邊近在眼前～最後一日先發現囉！
成功左之後就去機場～放低行李後搭１００ｙｅｎ車去機場附近的ｏｕｔｌｅｔ行街～之後我就買多左２對ｎｉｋｅ勁開心～之後仲買左條ｌｅｖｉｓ勁平～
同埋買左ｂｂ帽比小天樂～：ｐ～
亞老就買左對ａｄｉ，同埋ｎｉｋｅ衫，都算幾多野行～～不過真係好累同好熱～
估唔到ｏｕｔｌｅｔ仲好行～仲好行過ｏｘｆｏｒｄ果個～開心～
之後就番機場了～好努力咁用埋ｄ錢～最後都淨５０００ｙｅｎ～！！
番到黎好累仲有我要投訴飛機勁熱搞到我想嘔～好辛苦～而家仲未辛苦完～
之後仲聽到一個壞消息～就係我大姨丈o係hk入左院~仲係比較嚴重～希望佢早日康復啦～
大家都要好好注意身體健康啊～
明天又要番工了～洗完錢～而家要比心機搵番ｄ錢番黎啦：ｐ～ November 20 osaka day five-即食面發明館!!(池田)今日我好失敗，十點先起到身，亞老又唔捨得叫醒我～我發誓明天一起要食到早餐，如果唔係就蝕哂了～！！
今日第一站就係池田的日清即食面發明館！原來要搭電車架，好彩梅田咩站都有，好快就搵到路喇，本身唔駛轉車，點知我地等左好耐發覺唔對路，如果我地要搭架車停駛啊！呢個要經複雜推理先知的因為我地唔識日文，好彩我個腦轉得快即刻搵到辦法轉車去！！先成功到達池田～今日我化左個架妹ｌｏｏｋ眼線加強版，不過發現仲係差小小，成日就同亞老研究人地對眼同我對眼有咩分別～
到左池田本來有個指示教我地去，點知忽然冇左，終於就問個嬸嬸，點左我地去正路～沿途有好多小朋友揹住自製杯面番黎啊，人地都番黎我地先去：ｐ～個發明館唔大，不過真係好開心因為見到好多好多即食面，仲有ｈｋ版合味道！之後點少得自己親手整杯面呢～我同老老一人整左２個，我整左一個ｋｉｎ仔別注同一個ｂｅｌ仔別注，亞老做左一個ｂａｐｅ別注之後剩番一個都係我畫埋，之後自己揀味之後比佢包裝～好好玩好開心～跟住就去埋自動售賣機買面食，我買左一個我一早睇中的ｍｉｌｋ ｓｅａｆｏｏｄ，真係好好味好奶味啊，滑滑咁好正啊，亞老就貪心要個ｂｉｇ版ｈｏｔ面，普普通通咁啦，所以狂搶人地o個個食～
最後我地參觀埋小朋友整面面，同埋買左包限定版面就大功告成了！
下一站就係重遊心齋橋，因為亞老要買埋ｄ鞋，佢今日total買左2對鞋同波衫一件；我就繼續藥妝買左兩套睫毛液好似好勁～比我同小bel～仲有買左vivienne westwood的scraf同marc by marc jacobs 的布袋～唔知價不過見幾靚就買左～個店員又係中國人仲幫我地退左稅～今日仲成功食左美津大阪燒同金龍拉面～真係好好食啊條街仲好多廣東人黎旅行添！
點知行番去亞老想買多個ｐｏｒｔｅｒ，諗唔到間野竟然冇開～～搞到明天最後一日可能要頻撲點了！！今日到左心齋橋的ｃａｒｔｉｅｒ大店，真係好大外面已經有有３個ｄｉｓｐｌａｙ櫃不過冇ｌｉｇｈｔｂｏａｒｄ有ｄ失色～入面曬席所以我都唔好意思入去搞搞震～就好快咁行過左心齋橋的大名店街～
不知不覺就最後一日了～明天就要番澳門後日就要番工喇～我真係好鐘意日本呢～所以決定今年要好好學好日文，再儲下一筆旅遊基金去東京，北海道，鹿兒島同沖繩～唔知我每年去一次日本o既願望會唔會成真呢～我真係好後悔以前留學做咩唔黎日本呢～我真係好想做一個日本妹啊～～！！晚上同亞老浸浴，買左美肌一族～浸完個人冇咁累啊～真係好舒服～～
明天應該會去埋機場附近的ｏｕｔｌｅｔ～希望一切順順利利比我駛埋ｄ錢去啦～發現自己買得唔多野～：ｐ～因為真係睇唔岩丫～如果可以買多對鞋就好了～ November 19 osaka day 4 !! trip to kyoto!!今天是京都日，不過因為我地都太累結果本來７點起身最後遲左，９點半先起身！！又蝕左個早餐丫～～激死！
不過我都好比心機化左個日本妹妝畫埋下眼線，呵呵，真係似似地架喎～當然係用尋日的戰利品啦～
因為冇早餐食又要搭長途車，於是又買左個包食，今日係番薯包，不過我在車上睡死了～好累啊真係～去到京都站仲要轉車，途中見到治虫間野，當去左啦～因為真係唔夠時間！
轉巴士都好逼人，入左錢先發現日本人係習慣下車先比錢ｇａ～：ｐ～蠢左添～！
去到就要行行行，亞老話咩您唔知ｄ寺全部都係山上架咩～～我唔知喎真係，ｓｏｒ～我淨係知我對腳好痛囉！
終於上到大門，就忍唔住影相相～真係好靚啊風景，好宏偉～仲見到小小紅葉真係好靚啊，如果全部都係就好了～
入去就跟傳統洗手，之後一入去就有得買繪馬（即係塊板比您寫字祈福）我都買左一個寫左我地兩個的願望～同埋買左ｄ御守比親朋好友～！
跟住就入左去一個唔知咩石的黑洞，佢就係要人除左鞋之後落去，係一ｄ光都冇您咩都睇唔到，就跟住條繩（我就跟住亞老）一路行，當時真係好驚仲驚過哈囉喂，之後其實係行到中間有一舊石您去摸下佢，舊石旁就有一點光，亦係全洞唯一的光；佢的意思係好似您漆黑無助的時間找到光明咁～可能係有好運掛～
清水寺係好大的而且我地見唔到有ｐｄａ借，只好自己行～不過都去到我想去的地方，就係戀愛運果度，同飲果三條水（好似叫羽音泉）～
泉水果度冇寫只可以飲２條，不過我都跟傳統飲左兩條（見ｄ日本人只飲一條），亦都冇寫係邊條打邊條，我就憑記憶飲左我想飲的兩條！
在戀愛運區，我求左一支吉簽，雖然唔明，不過都札好o係支野度，又係會好運掛～之後又飲左良緣同戀愛運水，我見亞老揀左開運黎飲，唔通男人都唔會求姻緣咩？有ｄ嬲～
人好多我都冇行姻緣石，原來都好遠架費事阻住人啦，而且我身邊已經有個好男人了。要知足。
呢區有ｄ唔同款的御守，又買左幾個，基本都係數人頭買比ｄ同事同朋友，買左ｖｉｔｏ要我買的戀愛御守～御守好靚不過都好貴，我o係度用左差不多2萬yen呢～
回程又係大大小小的手信店，但係我都搵唔到蝦餅～ｄ甜野我又冇興趣買～而且o係寺內茶居食左果子配抹茶感覺麻麻地。
行落山下又要搭巴士到京都站，再去烏丸通果邊行街，其實行ｂｒａｎｄ冇咩感覺因為澳門ｈｋ都齊啦而家；不過都去左大丸買左ｂｌｕｅ ｌａｂｅｌ同ｐｏｒｔｅｒ，退５％稅，日元高真係唔係太抵，只買一個算～之後就去行錦市場，好似黑門咁，今次就係食地道野食多，買左炸物啦，串串啦，一條鰻魚同一份玉子～估唔到鰻魚好硬好難食ａｒ！失望～不過堂食的年糕就好好食我地仲同年糕影相好開心～因為拉到好長好搞笑～
之後就行名店街三條通，感覺好似心齋橋，我用左１００ｙｅｎ就奇蹟夾到個公仔．超開心！！
行行下都７點了，就快ｄ番番京都站去ｋｙｏｔｏ ｔｏｗｅｒ了～
本來想去行ｍａｌｌ，不過亞老對個塔講左句，之前台灣１０１都冇上，今之老屎都要上去；於是我地就上囉，是旦啦浪漫下囉，係１００ｍ高，仲有好多望遠鏡比我地睇，不過睇到暈暈地～仲有吸印証明我地到此一遊～日本原來有好多呢ｄ ｔｏｗｅｒ，希望以後再去其他果ｄ丫～！！！
最後就回程番大阪，特急冇位坐只好坐吸煙區．坐完想嘔～買左零食都冇食～等車時見到日清的周打蜆湯味杯面買左一個，呢個好感令我地決定明天要去即食面發明館～！唔知會唔會起唔到身呢！！
番到大阪因為行錯路就去左梅三小路，原來都係旅遊點，食街一小條，正好是今晚晚餐～白飯同沙拉菜（基本只有椰菜）任添的炸物店，食左晚餐～又回酒店了～
ｐ．ｓ．日本真的好乾加上暖氣抽乾，我今朝一早就流鼻血了～我係未流過鼻血的人啊～！！！
ｐ．ｓ．尋日個染髮泡泡幾好用，仲唔甩色條毛巾都唔怕有色，好勁啊～基本色差都少，不過我揀隻色都係紅紅地，同之前冇咩分別～好似補色咁～ｏｋ啦！！ November 18 osaka day three!!難波(黑門市場,電電城),心齋橋,道頓崛!!我地今日係行街之日，係大阪正正式式咁行街～今日好叻啊食到樓下個早餐，哇，真係好正咩都有得食，有日式咖哩飯，奄列蛋，冷面烏冬甚至章魚丸！！
早餐食到好飽飽我仲飲埋日本牛奶好濃郁啊，之後就開始我地今日o既行程~~第一站就係黑門市場(又係去食~~~囉~)!!!今日係勁食ga!!!
因為要轉車所以我地有小小小波折，最大問題都係我同亞老有唔同的方向感，所以好唔一致搞到阻左小小行程（至於邊個錯邊個對就唔講了！哈！）
到左黑門市場就係一陣生味（腥味），係好街市o既街市～o係入面仲有藥妝店我就開始站站式掃貨(即係間間都嗌要入去)，大部份都係買kanebo，買左個５０才用o既比媽媽，冇法啦一見到就諗起媽媽:p~幾孝順~~!!同埋買左洗面同化妝水比自己，因為冇帶；其實好多香港澳門都有了，仲有ｄ好熟面口好似ｄａｉｓｏ同ｓａｓａ有咁囉～
食呢就食左～河豚宴，５５００yen～又係本書介紹o既，小kin見到個河豚仲識同人講suimemasan, shashin..iideusga? 好叻女。哈哈。
之後番轉頭，竟然撞到亞老哥哥，咁大都撞到，真勁！吹左兩句之後又再分開行，我地又食刺身，雖然好飽但係冇理由唔食架嘛，就食左toro，三文魚（終於食到三文魚），帆立貝同長腳蟹腳～好好味不過真係好飽！！！之後唯有狂行消化番啦！！
下一站就係電電城因為黑門行落去就係了，其實電電城條街唔大但係開中亞老果瓣，所以我地用左好長時間，離開時已經４點幾了(我冇不滿我冇不滿!!!-_-"!)
之後就行番去上去食亞老好想食的咖哩飯，差不多到道頓崛同心齋橋附近，途中都係商店街小kin行得好happi，見到薯條都有得按機機買，不過我冇買黎食！
食完就真係要行街了～因為條心齋橋真係好長好長好很長，行到我腳仔軟，係好多中小ｂｒａｎｄ的街，仲有本土店，唔知點解唔係大ｂｒａｎｄ的東西就好大６feel，點解著上日本人個身就可以變成日本貨咁勁～？於是我是都係埋頭睇波鞋，終於可以正價買到日本限定唔駛買ｈｋ水貨，我買左對好鐘意的鞋，係紫色漆皮all star高筒（呢排鐘意紫色），日本限定的最細剩番四號都照買：ｐ～亞老就買左對草織的ｎｂ都係我揀的，如果我唔幫佢揀佢就幾難買野，因為佢個人都冇心買野唔似我咁！！
期間去ｓｏｇｏ借廁所入左去ｃａｒｔｉｅｒ，都幾大同好多ｓａｌｅｓ，兜左一圈仲見埋隻爆石戒指～不過呢間都唔係大店，係小店咋個門都好似四季咁，誇張。
又係藥妝店間間都好似差唔多咁但係間間都想去行下囉～唔知點解。我就買左小小化妝品，買埋比ｂｅｌ仔ｔｉｍ。途中食左舊唔知炸咩入面有ｃｒｅａｍ的，一般般。
之後又食左讚歧本店的烏冬，好好味，我鐘意烏冬冬～差不多了就去道頓崛今日最後一站，已經８點了。
一到街街頭就係隻巨蟹我地就食左一份腳腳，好味，有亞老幫我起肉！！同埋買左ｋｔ長腳蟹版手信比琪仔，見到呢搞笑野就諗起佢！佢尋日提我買手信！我都買多兩包蟹餅，係大塊，都係未搵到branco買回來的果種啊~有d失望～因為我間間大阪名物店都有入去架！之後就比我撞到monchichi crossover章魚丸phonestrap(大阪真係通街都係章魚丸!好誇張)，梗係買黎比ｅｖａ啦～o係日本真係好多搞笑野，笑死我了～好開心啊～
之後又再食最出名個章魚丸～赤鬼～食完就行左一陣就番去了～夜晚好凍啊又買唔到衫，所以我地都係選擇番酒店了～！
今日真係過得好開心，在黑門市場第一次食河豚，在電電城第一次感受宅男宅女o既世界原來都係無限大架，在心齋橋和道頓崛感受加強版o既hk女人街+tw西門町～世界真係幾逼人幾繁華都有，好彩我唔係去東京～一定仲誇張～！！
好啦今晚早點睡，明天要去京都，今晚仲有一個重要事～就係我o係藥妝店買左好kawaiiiiiii的染髮泡泡~~而家要叫亞老幫我染了~~~^^~~~!!!!
November 17 osaka day 2~~universal studios day!今日係我人生一個好重大o既日子，証明左愛一個人係幾咁偉大。
因為我竟然陪亞老去玩過山車～仲要係好慢長o既過山車，坐第一排，我簡直以為我會死。真係架，應該冇下次。
今日本來ｍｏｒｎｉｎｇ ｃａｌｌ ８點半起身，但最後都係同我地平時一樣，１０點咁上下先起身，ｍｉｓｓ左個免費早餐！
之後就出發搭地鐵，要轉車，最後都成功到達左，我覺得有點似ｌｏｎｄｏｎ的ｔｕｂｅ，舊舊地的感覺，不過日本好ｄ～
因為肚餓同要食藥，我地o係車站買左個蜜瓜飽和保礦力，個飽好似我地ｄ波羅包咁，食落好似墨西哥包，好甜幾好味！
一出個ｕｎｉｖｅｒｓａｌ ｓｔｕｄｉｏｓ站，已經氣氛好濃厚，到處仲係聖誕歌添，令我覺得好似１２月尾囉～
見到好多得意野（因為我係大鄉里第一次黎），連ｍｏｓ ｂｕｒｇｅｒ都有大阪限定章魚丸ｂｕｒｇｅｒ，真巴閉！
之後就係排隊買飛～～～唔該有冇人話比我知今日係咩日子日本人放假咁囉～～勁多人啊～排好耐好耐真係好耐啊，
買飛已經耐啦，入去玩仲耐啊，我地冇買ｆａｓｔ ｐａｓｓ，於是就等囉，點知個個ｇａｍｅ都等一個鐘，
好彩我已經夠哂開心，我地玩左ｓｐｉｄｅｒ ｍａｎ，過山車，同４ｄ影院，其實我玩完個過山車已經夠皮了，因為我腳都軟哂～
之後我好努力咁ｓｈｏｐｐｉｎｇ，但係咩都買唔到～因為入面真係冇我鐘意o既野囉，我又唔鐘意ｋｉｔｔｙ唔鐘意ｓｅｓａｍｅ ｓｔｒｅｅｔ同ｓｎｏｏｐｙ，
好彩出番去都有大阪名物買，買左第一部分o既手信！！都係主攻咸味零食，同埋買左幾個好搞笑ｏ既ｂｂ ｃｒｏｓｓｏｖｅｒ匙扣，
係日本果個尖頭ｂ，佢扮哂好多唔同o既公仔，有ｂ版玉桂狗，柯南，ｓｅｓａｍｅ ｓｔｒｅｅｔ之類，我買左幾個搞笑下～
今日o係影城食左ｈｏｔｄｏｇ同飲左ｆａｎｔａ限定版蜜瓜味，又係甜死～不過都ｏｋ．．貴～哈哈～
最後我同老老都好累了，睇埋最後天使的禮物就回去大阪站了，最後都好感動，因為我直情好似過左個聖誕節咁，仲報埋佳音，真係抵死！
小ｋｉｎ２００８聖誕好似已經完左咁囉唔該～！！
出車站途中食左一個北海道牛奶泡芙，好味過ｈｋ的類似泡芙好多，我真係好鐘意呢種感覺～嘻～
番酒店前去左對面個所謂大阪最齊全o既電器城，真係好密密麻麻都係電器，但唔係我杯茶囉覺得有ｄ暈暈地．．ａｍ．．
番酒店放低野，就出去食野～今日分左幾間食，首先就係行行下太餓，食左大阪名物章魚小丸，味道都ｏｋ（其實我個人真係唔係好識食野）
之後就去左本書介紹o既天狗食和牛同刺身同埋玉子等，真係冇驚喜，食埋馬肉刺身感覺都好似冇阪前咁多驚喜～同冇咁ｊｕｉｃｅ～同埋我冇叫三文魚（點解刺身盤合冇三文魚）？
接住就行多幾步去食四天王拉面，完左亞老個心願先，ａｍ．．再講多次我個人真係唔係咁識食，我一食落去個感覺，就係（耳，點解咁似出前一丁麻牛面既呢？）～
仲有食左個餃子，感覺好似味千拉面出品咁（拱北店），最驚喜係四天王入面有個中國ｗａｉｔｒｅｓｓ，好親切～
我真係唔係唔比面，ｏｖｅｒａｌｌ今日食所有野都係好日本同埋係好味的！！
之後我地就去左玩彈珠，玩左１０００ｙｅｎ，不過都叫做玩過下咁，我唔明點解ｄ日本人咁迷戀囉，其實只係一個好簡單的彈珠ｇａｍｅ；
登登登櫈～最後就係亞老出場，今日佢終於要威番次比我睇，夾中左個公仔啊！！係藍色龍珠果隻喵仲識行架，勁野～！比您叻番次～！！
相反我今日就煲左部機好耐都唔成功，雖然ｄ員工好好咁比ｔｉｐｓ我地（但係諗落如果唔係佢地比希望我地ｄ人又點會煲佢部機ｗｏｒ！！嬲！！）
然後我又飲第二牌子的粟米湯，我已經迷上左佢一出黎暖暖攞o係手上o既感覺了><~~我地仲按左３種飲品番酒店飲～～
^^～酒店除左有免費上網，仲有免費冰～我地就攞左兩杯：ｐ～耶～晚晚番房前都在走廊按冰冰，好好玩！！
亞老累到訓左了～我今日都要早ｄ訓～明天要去黑門市場食新鮮魚生啊～！！仲要ｓｈｏｐｐｉｎｇ！！
ｐ．ｓ．日本人真係好怕凍，搞到我好乾同好熱，件大羽絨都冇著過，只係加條頸巾就ｏｋ～！！！食埋個藥，個人好ｄｒｙ啊～！！
November 16 osaka day one今日三點機，去到大阪搞掂哂已經８點幾，好彩我做左ｒｅｓｅａｒｃｈ，真係去到５號車站就ｏｋ，
搵到新阪急個站，買飛，之後個車站個叔叔問我地去邊，我就指左ｃｈｅｃｋ ｉｎ張紙個酒店名比佢～ｎｅｗ ｈａｎｋｙｕ～
之後佢話～（其他聽唔清楚）總之話ｆｉｒｓｔ ｓｔｏｐ～好好人。
到站就係酒店，我真係好叻揀岩酒店^^。唔怕o徒時間。
到酒店已經九點，對面ｄ ｍａｌｌ已經關了，只好食野算～附近好多野食仲有條食街～哇好正啊間間都，
最後我地都係跟本書食左手羽一郎！！番到去ｐｏｓｔ相^^仲食左個好正o既蛋蛋布丁~係比台灣o既蛋蛋布蕾再好食多100倍!!!!
仲問左店員埋單點講～就係ｏ～ｋａｎ～ｊｏｏ！！店員都好好禮貌～連夾公仔店的店員仲教我地夾公仔o既技考~~~
之後我地去左餃子世界下面夾公仔，用左幾千yen最後夾到公仔o既竟然係我小ｋｉｎ呀！嘿嘿！
夾到個粉藍色的ｋｉｔｔｙ喵，勁呀！！我覺得自己真係好叻～呵呵因為亞老夾極都夾唔到！！咋仔。
因為我病，所以買左日本的感冒藥，真係幾好，而家打打下ｂｌｏｇ已經收左鼻水，不過我好乾啊，因為我唔記得帶洗面膏同爽膚水，而家皮膚好辛苦～～
仲買左ｇｒａｃｅ推介的栗米湯，１２０yen，一按出來係暖暖的，令人好窩心幸福～真係值得一試～
仲有一件事啊～就係我臨出去行李檢查時個野同我講日文～唔知咩ｌｅｉｈｏｎ ｊｉｎ咁問我，以為我係日本ｍｉｘ咁，
呵呵，之後我話ｎｏｎｏ ｉ’ｍ ｃｈｉｎｅｓｅ，之後佢先同我講英文～不過開心死我～呵呵呵～
我真係好鐘意呢度啊～周圍已經有ｃｈｒｉｓｔｍａｓ的氣氛，真係好繽紛啊！！
ｐ．ｓ．呢度真係有ｆｒｅｅ ｉｎｔｅｒｎｅｔ，ｃｈｅｃｋ ｉｎ時個叔叔問我有冇帶ｌａｐｔｏｐ，話可以上網，我問佢係咪ｆｒｅｅ佢話係啊～
上ｙａｈｏｏｈｋ的資料果然冇ｐ我啊，帶左ｌａｐｔｏｐ黎真係好方便！！
仲可以寫旅遊日記～比澳門o既朋友仔一齊開心下！！！
|
。子宮。。血色與沉默，從來激烈如昔。 |
|||
|
|
